خبر:

د سعودي د فوټبال یوه کلب له کرسټیانو رونالډو سره د ۱۷۵ میلونو ډالرو په ارزښت د لوبو لپاره تړون وکړ؛ د دې لپاره به دی او د ده کورنۍ په سعودي کې مېشت شي. له نوموړي سره به د ده څلور ماشومان او د دغو ماشومانو مور، چې قانوناً د کرسټیانو رونالډو مېرمن نه ده، ژوند کوي. اوسمهال سعودي د نا واده شوو جوړو پر ګډ ژوند «سخت» قوانین وضع کړي. د رونالډو لپاره دغه قوانین له پامه وغورځول شول او هغه به اجازه لري چې له داسې ښځې سره ګډ ژوند وکړي چې واده یې نه دی ورسره کړی.

تبصره:

د سعودي د مشرانو دا کار په اسلامي هېوادونو کې د هغو نړیوالو هڅو یوه برخه ده چې غواړي شرعي قانون کمزوری او غربي ارزښتونه ترویج کړي. له دغه واقعیت څخه چې رونالډو یوه پېژندل شوې څېره ده، هم د دې لپاره ګټه اخیستل کېږي چې زنا ته تبلیغ وکړي او یو مطلوب او داسې عمل یې وښيي چې له بریا سره تضاد نه لري.

دا چې ځوانان د مشهورو شخصیتونو لاسته رواړنو او ارزښتونو ته ور مایل شي او دغه راز راتلونکی نسل له اسلام څخه لرې شي، د نړۍ په کچه په اسلامي ټولنو کې یوه فعاله اجنډا ده. سربېره پردې، ښځې به داسې احساس وکړي چې دا ډول اړیکې عادي دي؛ دغه راز د نارینه/د ماشومانو پلار لخوا د ژمنتیا نشتون هم یو پوچ ارزښت دی چې د اسلامي شخصیت په لاشعور کې ترویجېږي. پر شرعي احکامو دا ډول ملنډې وهل د قران او سنتو سپکاوی او د الله سبحانه و تعالی له قوانینو ښکاره سرغړونه ده؛ الله سبحانه و تعالی فرمایي:

الزَّانِيَةُ وَالزَّانِي فَاجْلِدُوا كُلَّ وَاحِدٍ مِّنْهُمَا مِائَةَ جَلْدَةٍ وَلَا تَأْخُذْكُم بِهِمَا رَأْفَةٌ فِي دِينِ اللَّهِ إِن كُنتُمْ تُؤْمِنُونَ بِاللَّهِ وَالْيَوْمِ الْآخِرِ وَلْيَشْهَدْ عَذَابَهُمَا طَائِفَةٌ مِّنَ الْمُؤْمِنِينَ ﴿النور: ٢﴾

ژباړه: «زناکاره ښځه او زناکار سړی، دواړه سل سل دورې ووهئ. او پر دوی باندې د زړه سوي احساس دې د الله د دین په باب په تاسو کې نه پارېږي که تاسو پر الله او د اخر پر ور ځ باندې ایمان لرئ. او یوه ډله مومنان دې د دوی د سزا لیدلو شاهدان وي.» [نور:۲]

په داسې حال کې چې نامسمانانو ته اجازه ورکول شوې چې د خپل شخصي ژوند ځينې برخې د خپلو شخصي عقایدو پر بنسټ تنظیم کړي؛ خو دلته خبره دا ده چې په سعودي کې د حکومت بنسټ د ازادیو او مترقي ژوند غربي فکر ته په تعظیم پورې اړه لري. دا کارونه د سعودي د عصري کولو او په اړه یې د نړۍ ذهنیت بدلولو په موخه کېږي چې د دغه هېواد د حکامو پالیسي ده. ځان اسلامي حکومت ښودل خو په اصل کې نا اسلامي ایډیالوژي پلي کول د اسلام استازولي نه شي کولی. د سیلانیانو راجلبولو لپاره  شپنیو کلبونو، شرابو او منحط کوونکو صنعتونو ته جواز ورکول، ټول د «پرمختګ» تر نامه لاندې د سعودي حکومت په ملاتړ کېږي.  

له اسلامي ارزښتونو ښکاره سرغړونه زموږ د حکامو د غلامۍ له امله کېږي او هغو کفري بنسټونو د خوښۍ لپاره یې کوي چې زموږ هېوادونه کنټرولوي. دا هر څه چې د مسلمانانو د تسلیمولو لپاره کېږي، نور د زغملو نه دي.

موږ له ټولو مسلمانانو غواړو چې دا فکر رد کړي چې د شریعت قوانین استثنا لرلی شي او یا دا چې یوازې تر یوه حده د قران او سنتو پلي کول هم د منلو دي.

د حزب التحریر مرکزي مطبوعاتي دفتر ته

عمرانه محمد

د حزب التحریر مرکزي مطبوعاتي دفتر غړی

ژباړه: محمد هارون رؤفي